Studimi #5: Çfarë është lutja mbi të gjitha?

Nga jetaere.com

Fillo me lutje: “Zot, të lutem që të më flasësh përmes Fjalës tënde, Biblës. Foli zemrës time që të kuptoj atë që ti do të më thuash mua. Amen.”

Studimi #5

Çfarë është lutja mbi të gjitha?

Nahumi 1
⁷ Zoti është i mirë, është një fortesë në ditën e fatkeqësisë; ai i njeh ata që kërkojnë strehë tek ai.

P – Çfarë janë tre gjëra që thotë ky varg për karakterin e Zotit?

P – Në dritën e kësaj çfarë do Zoti që ne të bëjmë?

1 Pjetri 5
⁷ Duke e hedhur gjithë merakun tuaj mbi të, sepse ai kujdeset për ju.

Filipianët 4
⁴ Gëzohuni gjithnjë në Zotin; po jua them përsëri: Gëzohuni! ⁵ Butësia juaj le të njihet nga të gjithë njerëzit; Zoti është afër. ⁶ Mos u shqetësoni për asgjë, por, në çdo gjë, ia parashtroni kërkesat tuaja Perëndisë me anë lutjesh dhe përgjërimesh, me falenderim.

P – Çfarë do Zoti të bëjmë me shqetësimet tona?

1 Thesalonikasve 5
¹⁶ Jini gjithmonë të gëzuar; ¹⁷ Lutuni pa pushim; ¹⁸ Në gjithçka falenderoni sepse i tillë është vullneti i Perëndisë në Krishtin Jezus për ju.

P – Si lidhen këto 3 urdhërime me njëra-tjetrën?

1 Gjoni 5
¹⁴ Kjo është siguria që kemi përpara tij: Nëse kërkojmë diçka sipas vullnetit të tij, ai na dëgjon. ¹⁵ Dhe nëse dimë se na dëgjon për atë që i kërkojmë, ne dimë se marrim kërkesat që i kemi kërkuar.

P – Cilës lutje i përgjigjet Zoti?

Romakët 8
²⁶ Po ashtu, edhe fryma na ndihmon në dobësitë tona, sepse ne nuk dimë çfarë të kërkojmë në lutjet tona, sikurse duhet; por vetë Fryma ndërhyn për ne me psherëtima të patregueshme. ²⁷ Dhe ai që heton zemrat e di cila është mendja e Frymës, sepse ai ndërhyn për shenjtorët, sipas Perëndisë.

P – Si na ndihmon Fryma e Shenjtë në lutjet tona?

Hebrenjtë 4
¹⁴ Duke pasur, pra, një kryeprift të madh që ka përshkruar qiejt, Jezusin, Birin e Perëndisë, le të mbajmë fort rrëfimin tonë… ¹⁶ Le t’i afrohemi, pra, me guxim fronit të hirit, që të marrim mëshirë e të gjejmë hir, për të pasur ndihmë në kohën e duhur.

1 Timoteut 2
⁵ Sepse një është Perëndia, dhe një është ndërmjetësi midis Perëndisë dhe njerëzve: njeriu Krishti Jezus…

Gjoni 14 – Jezusi që flet:
¹³ Dhe çfarëdo të kërkoni në emrin tim, do ta bëj, që Ati të përlëvdohet në Birin. ¹⁴ Në qoftë se do të kërkoni diçka në emrin tim, unë do ta bëj.

P – Si përlëvdohet Zoti kur ti merr përgjigje për lutjet e tua?

Psalmi 66
¹⁸ Po ta kisha ruajtur të keqen në zemrën time, Zoti nuk do më kishte dëgjuar…

Psalmi 145
¹⁸ The Zoti është pranë gjithë atyre që e thërrasin, pranë gjithe atyre që e thërrasin me të vërtetë.

P – Çfarë na thonë këto vargje për sinqeritetin dhe ndershmërinë që Zoti kërkon kur ne i lutemi Atij?

Psalmi 62
⁵ Shpirti im gjej prehje vetëm tek Perëndia, sepse shprsa ime vjen nga ai. ⁶ H Vetëm ai është kështjella ime dhe shpëtimi im; ai është streha ime e lartë; unë nuk do të luaj kurrë. ⁷ Te Perëndia është shpëtimi im dhe lavdia ime; kështjella ime e fortë dhe streha ime janë tëk Perëndia. ⁸ Ki besim tek ai vazhdimisht, o popull, hape zemrën tënde para tij; Perëndia është streha jonë.

P – Sipas këtyre vargjeve, çfarë dëshiron Zoti që ne të besojmë për Të… a dëshiron Zoti që ne ti besojmë Atij ndërsa lutemi?

Tani mund ta printosh studimin #5.
Përgjigjet e tua nuk ruhen pasi e mbyll faqen.

Urime! Ti ke filluar marrëdhënien me Zotin. Vazhdo të jetosh me besim në Jezusin; kjo do të prodhojë një jetë me përmbushje. Ne të inkurajojmë gjithashtu të lexosh artikujt e tjerë në këtë faqe.